Bli med på sommarens store eventyr! Alle barn som går i 1. – 7. klasse kan bli med på lesekampanjen Sommarles 2025, og lesa så mykje dei orkar i perioden frå 1. juni til 31. august.
I fjor var om lag halvparten av alle i aldersgruppa 1.-7. klasse i Ullensvang med på leseaksjonen (mot 32% i Vestland, og 34% i Noreg), og i snitt las dei i Ullensvang 1485 sider i løpet av dei 3 månadene! Det var 15,5 bøker pr. deltakar i gjennomsnitt!
Premiar
Det barna les, registrerer dei på Sommarles sin nettside. For kvar bok du registrerer, får du poeng, kalla XP, og du kjem opp i level/nivå. På level 10, 20, 30, 40 og 50 kan barna henta kule premiar på biblioteket.
Lag profil på sommerles.no
For å bli med går de inn på Sommarles.no og lagar ein profil. Barna treng samtykke frå foresette for å kunne delta, fordi barna er under 15 år. Dei må av same grunn registrera seg med e-postadressa til eni foresett. Ved registrering oppgir de namn, lånenummer (borna har eit lånenummer på skulebiblioteket), alder, kjønn og kva for eit bibliotek de høyrer til. Alle veljer seg eit kallenamn ved registrering, slik at ein kan vera heilt anonym dersom ein ynskjer det. Dersom du allereie har vore med på Sommarles, kan du logga deg inn med same brukarnamn og passord som tidlegare.
Spørsmål?
Lurer du på noko i rundt Sommarles? Har du problem med noko teknisk, som å logga deg på? Les meir på Sommarles si nettside https://sommarles.no/. Finn du ikkje svar, kan du kontakta biblioteket.
All lesing tel
All lesing tel i Sommarles. Om barna les sjølve, vert lesne høgt for, les høgt for nokon eller høyrer på lydbok, -all lesing tel, og all lesing tel like mykje. Lange bøker eller teikneseriar, fakta- eller skjønnlitteratur. Det viktigaste er at barna les i sommar! Nytt i år er at ein ikkje får godkjent bøker ein har starta på før 1. juni.
Sommerles med egen fortelling
Kvart år skriv forfatter Mari Moen Holsve den eksklusive sommarlesfortellingen for Sommarles 2025. I år handlar historia om at Asbjørn og Astrid har oppdaga eit nytt og merkeleg rom i Verdsbiblioteket. Alle bøkene i rommet handlar om mysterium. Og ein dag står plutseleg heile Verdsbiblioteket på hovudet! Korleis kan Asbjørn og Astrid få biblioteket på plass att? Og kva er den mystiske Gåterullen?
Alle dei 12 kapitla vert i år tilgjengeleg allereie 1. juni, ikkje eit kapittel i veka, som tidlegare. Etter som du les historia kan du svara på spørsmål til kapitla. Kvar veke kan du finna eit nytt kodeord på biblioteket. Alt dette gir XP i Sommarles. Du kan fint vera med på Sommarles utan å lesa historia eller svara på spørsmål, det er berre ei bonusoppleving.
Høyr på lydbøker
Alle kan ha glede av ei lydbok. For barn med dysleksi eller andre lesevanskar, kan lydbøker gi auka leselyst, mestringskjensle og høve for å lesa de same bøkene som andre. Tibi (Biblioteket for tilrettelagt litteratur) les inn sommarlesforteljinga på bokmål og nynorsk. Lydforteljingane vert lansert på sommarles.no og er for alle som likar å lytta til ei god historie.
I tillegg til sommarlesforteljinga har Tibi tusenvis av populære og aktuelle lydbøker for barn og ungdom. Tibi er ei bibliotekteneste for alle som strever med å lesa visuell tekst, anten det er dysleksi, ADHD, språkvanskar eller nedsatt syn som er årsaka.
Sjekk utvalet og finn ut meir på https://tibi.no. Alle kan bli med på Sommarles!