Dagsturhytteprosjektet starta som ein litt vill idé i Sogn og Fjordane fylkeskommune i 2016. No er hyttene kjende landemerke og populære turmål i heile Vestland fylke.
I Ullensvang er no 2 av dei 3 planlagde dagsturhyttene opne for bruk. På Hovden (Lofthus) og Teglhaug (Jondal) kan du nyta naturen, utsikten, ro og ikkje minst bøker! Det vert høve til å lesa nynorske barnebøker på dagsturhyttene. I eigne bokhyller har me sett ut ein del bøker som me håpar mange vil få gleda av å lesa i. Kanskje det kan vera ein ekstra motivasjon for dei minste? Vert ein ikkje ferdige med boka, kan ein låna den på biblioteket seinare, om ein ikkje tek turen tilbake til dagsturhytta…!
Dagsturhytta i Odda er planlagt i lia over Ragde, og vert sett opp og klar for bruk våren 2023.
Foto: Else Marie Sandal